Iaz Ekaterinburgon bertan behera geratu zen Europako txapelketa jokatu zen joan den asteburuan martxoak 16,17 eta 18 egunetan Birminghamen. Ostiralean eta larunbatean emkumezkoen eta gizonezkoen final-laurdenak jokatu ziren urrenez urren eta finalerdia eta finala igandean jokatu ziren. 

Nazioarteko boulder txapelketa batean parte hartzen nuen lehenbiziko aldia izanik, ez nuen punturik rankinean eta ondorioz azkena atera nintzen lehenbiziko rondako lanekin hasteko, 41 neska nire aurretik eta ni ondoren. Horrek esan nahi du lau ordu isolamendu gunean sartuta, uf! Banuen irteteko gogoa.

Txapelketa oso ondo hasi nuen, indartsu, sentsazio onekin. Lehenbiziko bi lanak lehenengo saialdian egin nituen arazo handirik gabe. Baian hirugarren lanarekin ari nintzela hatzamar bat zapaldu nuen orpoarekin eta zauri txiki baina gogaikarri bat egin  nuen. Geratzen zitzaizkidan lau lanetatik beste bat egin nuen lehenbiziko saiakeran eta gainintzeko hiruretan topa ikutzearekin konformatu behar izan nuen. Midas erregearen kopia merke baten antzera, nire odol arrastoa ikutzen nuen guztian utziz. 

Indartsu eta bizi sentitu nintzen, finalerdietatik milimetro batera. Jarritako lanak oso onak eta disfrutatzekoak. Asteburu polita Birminghamekoa. Jadanik sartu gara urteko zirkuito barruan. Hau hasi beterik ez da egin.